أبيات جديدة من شعر الأبوذية

[ابو احمد]

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه


قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه


يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه


وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه


أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه


انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه


كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه


حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه


بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه


ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه


علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه


عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه


حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه


قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه


بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه


نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه


مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه



وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه


أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل عليه


وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضيه


سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه


سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بيه





اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك ميه

[بشار الدرويش]

روووووووووعة يا أبو الروم أبوذيات غاية في الجمال مشكور على هذه الروائع وأنا من عشاق الأبوذيات

وياريت حدى يجيبنا عتابات بصوت أبراهيم الجراد عجزت وأنا أدور على الأنترنت عتابات بصوته .....

احبك ما أحب عل الأرض سواك
سبحان الذي من طــــــــين سواك
بشر لكنه ويال القــــــــمر سواك
واحد فوق واحد بــــــــــين ايديه

[ابو احمد]

أبو الأشواق أشكرك على مرورك الجميل 000000000000 غالي والطلب رخيص 000 ابن عمك عنده تسجيل خاص جداً جداً 000 يعني قل وجوده وهو ديوان العتابة 00000 لأبراهيم الجراد -- وصالح أبوجناه --- مسجل على سي دي ----- صوت و صورة 0000000أبشر أبو الأشواق شوف الطريقة المناسبة لتوصيله وأنا جاهز

[بشار الدرويش]

هذا اللي أدور عليه من زمان

تقدر تحمل السي دي على أحد مواقع التحميل مثل موقع مخزن والرابد شير ....