شعبيات من ضفاف الفرات

[ابو عمر]

شعبيات من ضفاف الفرات


بعض الفنون و القصائد الشعبية الفراتية في سوريا






مولية
كـبيت جود الظمى اوهمت بالال*
يــا دمع عـيـنـي على الـوجـنـات بـلالِ
ساهرت ماساهر البلبل بهـليلي
ومساهر الجوري تايشرب عذي ميـه

بلال* تكتب بالفصحى بالآل وهو السراب

اعطش اذا اسمك صاح
للماي ودوني
والروح ترجف خجل
وتقول هدوني
مقدر اشوف الدمع
اوتسكت عيوني
حتى لعذولي مارد
من جمرتن بيه

قصيدة فراتية

خـل العمــر يــرتاح
يل مشيك مطر
يل ضحكتك تفاح
اعيونك سوالف ليل
خل الصبح يرتاح
...
تذكر حفرنا الليل
تانبوق الشمس من حضن الصبح
غافي لقينا الصبح والشمس بردانة
اضحكنا ونسينا الشمس
ناداك عمري المضى
صب لي ضحكتك بالكاس
غافلتني وشربت
صحوي ونسينا الناس
اني اعد النجوم بعيونك
وانت تنقي الشيب من عمري
وباقتناالشمس

يل مشيك مطر
يل ضحكتك تفاح
شوقك يهد الحيل
خل العمر يرتاح

قصيدة (خطى)

بيا سما جنتي
وياغيم شال خطاج
روحي جتلها العطش
تتنطر لملقاج

اخطاك ماهي درب
اخطاك عمري الراح

وانه وحنيني وكت
نقطف عطر ممشاك

هيضتي جمر القلب
والوهج صار حروف

والحرف ماهو حجي
الحرف كلي وياج

مانت جرح بالشوق
تا اضمدج بآآه

ولا انت عشق ينشتل
ورده على الشباك

انت عمر ينتظر
امناطر الونه

وخوفي بيادر غدا
يتحسب لفركاج

انت مطر ينسحن
ويكحل اعيوني

مدري دمع ينبجي
ويصيح خذوني

وتظل سر ابليل
وتفوح جالحسرة

واشهق والوم الوكت
يازيك
يازيك ....مني
ياوكت
خذيت روحي بفجر
وصارت اغاني سهول

وحلمي خطفته ندى
يبلل وراق القول

خذيت روحي ابفجر
وحلمي خطفته ابليل

كلتلي ذاك الدرب
وهديت بي الحيل

حلمي خطفته ضو
والريح شالتني

يضحك علي الزمن
والغربة حضنتني

الريح شالت طفل
يبكي يقول : امي
الناس ماتسمعه
لي صاح... ذا

دمي

الطفل يمشي بشوك
حافي بطرك حسره

والشوك مهو شجر
الشوك
هل عبرة

واصيح
يا ..انت
يابعد
يازيك تنطرني

وكتي خذاه الوكت
بالروح تسندي

منتظرك تجي

تعال.. العيد باجر وآنه مشتاك... اذا ماجيت ماحس عيد باجر
لان ادري ابحضورك يكمل العيد... يمن وجهك يزف احلى البشاير
تعال .. وجيب لشفافي المسرات... حرام أنعيّد ابكسر الخواطر
تعال . اكبالي اصفن والحجي ايطول.. ادري بصفنتك تملي الدفاتر
تعال . ابطرك روحك كلشي موجود... حنّه .. ومبخره .. وصبغ الاضافر
اريد الوجهك ارسم لوحة ابداع...........وأكحل اعيونك ابأجمل مناظر
تعال.. وجيب زودك بين الجفوف....... اريد أبين أدي تترك مآثر
يامصدر فرح محتاجك العيد............ رايد للفرح منك مصادر
يبو سوالف عسل تنكط عبارات........ منتظرك تجي اتحلي الحناجر
ويلكلك ذهب رفقا بالعيون............ عليمن ياحلو تلبس جواهر ؟
ويبو ريحة مسج تنثر رياحين.......... اريد ابريحتك أملي المحابر
تعال.. ولاتخلي العيد مخنوك ........ هوّه العيد محتاجك يشاطر
كبل جيت الصبح راح ألزم الباب.... واخلي اعيوني لدروبك تناطر:

شوفة عصر

شوفة عصر
ياخذني شوق وطرب ياناس وياكم
وتزفني عبرة غرب ياهـــي بلياكم
العصر شفت الحلــو يمشي بـلياكـم
يتهيدا شبه القطا مابيه كل لولا
ويدري بغرامي الا ومايقدر يكولا
والله يبن الخلق لولا الحيا لولا
لطلع لسور الرحبا واصيح اهواكم
مركب عشق
يعجبني عود الورد متوالف ويا الكاع
ومدي كل مركب عشق يتعانق ويا شراع
لاكن زمان الغدر مايرحم الملتاع
صفيت جنب وجنب والحق عليا عودي
غنيت ويا الوتر واشفق عليا عودي
انا مالي حدا بغربتي عودي عليا عودي
انتي أبويا وكل هلي وانتي الي مرجاع
بلياك روحي تهجر جسمي بليا وداع
نجمة سهيل
يمك نسيت رويحتي وجعلت دماي الك حنا
ولاجلك رضيت بغربتي ولبلاد الغربا اتعنا
مابين نوحي وحسرتي ورنت حجولك اصب مزنة
وتشض جروح القلب من تذكر سوالفنا
وشلون جنا جنا نعاشر خيوط الفجر خوفا من الصبح يفضحنا
نحاجيهن حجايا الشوق ويروحن للقمر تا يتنا
ويطول بينا الوقت ونجمة سهيل تغتاض منا
مسكينة من السهر ملت واحنا للسهر دام النا
تتشكا لابو العشاق ويردها بطرق ونا
وتنحر دربة التبان يم الجدي والميزان
تلقا الكون عاذرنا
تتلفت وتتنشد تريد الخبر والخبر يمنا
ولك تعالي اقلك منهو احنا
احنا القطا الكدري زلال الوفا رضعنا
واخذنا لحمامات البيت تا صغنا طبعنا
تلاقينا لقوت الملهوف ودار الشوق بيا
تعانقنا عناق حباب بكل وفا وحنيا
تصارحنا بلاكنا والمغبيه ليا
تفاهمنا سطل غراف ينهل بطيب نيا
تعاهدنا وحلفنا بشموع الخضر نقضي العمر مثل طيور بريا
نهجر شتا اللوعات ونقصد ليالي دفيا وهاي هيا
ودار دولاب الوقت اتجاذب الحسرات كل لحضة
ومثل قيس المحبة والعشق يجري ويا نبضا
عماني هواك ياترف ونيران القلب تلضا
تمرني اوكات متشندل وساعات احس بالصدر كضا
ونوبات اتقلب على جنابي وبعد النجم اتفضا
وعلى جفاك اضل وياك مثل ريشا تهزها الريح
لو مثل صفصافا غضة
اقوم اذرع بالدرب هذا طولا وذاك عرضا
وانت ولا تقبل تعرض طيوفك عل العين عرضه
تسلني العين يحلو العين عنك قبل ما تغضا
واقلك ياملح جرحي متا بجويةوصل نحضا
وطال ليل شتاك وانا بالصبر ارضا
امني الروح بلقاك وغصبا بالامل ترضا
حار الدليل وياك يالطيفك نسا فرضا
وقف سالت اهل العرف عنك وقالو وكذبت ما قالو
وردو وقالو هيــــــــــــــــــــــــــه ياماعشق النخل من غيرارضا
له ياخاين عثاري صقلق بمطاشري تتفضا
ياحسافا كنت احسبك نبع ريحان وسقيتك
مادريتك حية ثليج ومن يغفا رفيجك تعضا
وياخساره بمناحر السنسول يقلب مركبك بيا
وياندامة تعاهدنا وحلفنا بشموع الخضر نقضي العمر مثل
طيور بريا نهجر شتا اللوعات ونقصد ليالي دفية

[اسمرسوريا]

تعديت حدود الروعه والجمال والاتقان
برواز من عاج موشى بالفضه
يكاد يلامس الكمال
هي حروفك
اتشرف بان اعانقها
واسطر اعجابي الشديد بها
مع حبي