باسم و رباب هل نسيتهم ... ؟؟؟

[هشام]

هذه المقالة اثارت في شجون و شجون

واعتقد ان الجميع سترجع ذاكرته لعشرات

السنين الماضية

باسم و رباب

هؤلاء الأبطال الذين كانوا قدوتنا بالابتدائي....أيام

ما كنا شايفين شي من الدنيا غير القناتين الأولى

والثانية, وكتب المدرسة وأيام ماكان الموز يجي

تهريب من لبنان....وأيام ما كانت كل العالم تلبس

نفس اللبس....وكانت كل الناس بتشبه

بعضها..

وأيام ماكان في جيل للشعر...كل العالم نفس

التسريحة تمشط شعرها على جنب...

والبنات كلهم شعرهم منفوش...وإذا بنت كتير

عالموضة وسبور...بتكون عاملة غرة من

قدام .......

وأيام ما كانت الحلوة تبين أنها حلوة ...

واللي مانها حلوة تكون رايحة عليها

لأنو ماكانت

الـ إل بي سي وقتها...وما كانوا يعرفوا يزبطوا

حالهم باللبس أو بالمكياج أو بتسريحات

الشعر...عكس هلأ تماما....

سبقنا الام تي في

وال ال بي سي ...وأيام وأيام.....أيام ماكان حدا

شايف شي


ميسون ومازن ماحدا بيعرف عنهم شي....

لأنو ماكانوا كتير يطلعوا ويفوتوا مع باسم ورباب

بعد صف الخامس....

لأنو فصلوا الشعب عن بعضها

بسبب أنو طلعت لغتهم فرنسي نتيجة القرعة

اللي كانت تصيربالصف الخامس...

أما باسم ورباب وقتها فوراً فاتوا بشعبة

الانكليزي....لأنو كان أبوهم مدري أمهم

آنسة....وهدول كانوا فورا يدخلوا بشعبة

الانكليزي بدون سحبة أو قرعة.


هناك عدة قصص وروايات حول مصير

باسم ورباب....

عالم بتقول أنو باسم وصل للسادس ونزل

عالصناعة اشتغل مع أبوه....

وعالم بتقول أنو لأ...هوي وصل للتاسع بس ما

قدمها ....

ونزل اشتغل بالسوق عند خاله.....

أما رباب فكانت أشطر من أخوها....وأخدت

التاسع....بس اجى نصيبها وهيي صف حادي

عشر.... واتجوزت عالغربة يا خطيتها.....

وهلأ صار عندها تلات ولاد...صبيين وبنت......

منقول عن
سيرياستيبس

[ابو عمر]

ذكريات جميلة استرجعناها مع موضوعك يا هشام

أنا أتوقع ايامهم أحسن من ايام أحفادهم


لا تقطعي الشارع يارباب فالسيارات تمر ههههه

كنا نتعايش معهم وكأنهم يعيشون بجوار حارتنا او بعدها بحارة


لله درك يا هشام مرة حلو ة

[ابو عمر]

َََصباحُ الْخَيِِْرِ
صباح الخير يا أمي
صباح الخير يا ابت
حفظت اليوم أغنيتي
وذاب السحر في شفتي

[ابوعبدالله]

لعبتي مها .... قلبي يحبها
شقراء لعبتي ... تفهم همستي
ألبستها الحرير .... فأوشكت تطير
....الخ
هذا زمان لا كما يتخيلون بمشيئة الملاح تجري الريح و التيار تغلبه السفين
ذكريات الطفولة دكتور هشام أعادت الشجون و الحنين لتلك الأيام أيام البساطة و العفوية
سابقا كانت العرب حين تقوم بالدعاء . تدعو بالماء و المطر و أنا أقول
سقا الله أيام الطفولة و سقا الله باسم و رباب

[دربآسي]

والله ضحكت لين مل الضحك مني .. على هالمقطع ..( التسريحة تمشط شعرها على جنب...

والبنات كلهم شعرهم منفوش...وإذا بنت كتير

عالموضة وسبور...بتكون عاملة غرة من

قدام .......

)







يعطيك العافية اخ هشام .. ذكريات لاتنسى ..



وانا كنت من معجبين رباب .. ( وكان قلبي متعلقاً بها )



،

[زهرة قاسيون]

ذكرتنا بكتاب القراءة الفصل الأول والفصل الثاني!!
دكتور هشام انت شو توقعاتك عن مصير باسم ورباب ومازن وميسون؟

[هشام]

ذكرتنا بكتاب القراءة الفصل الأول والفصل الثاني!!
دكتور هشام انت شو توقعاتك عن مصير باسم ورباب ومازن وميسون؟

حسب معلوماتي

انو باسم و رباب و ميسون كملوا الدراسة

و هم سجلوا بالشؤون من اجل وظيفة

وكل يوم مسابقة و حتى الان لم يتوظف احد منهم


اما مازن

رب العالمين اعطاه الكثير بعد ما اشتغل

عند عمه منصور النجار

و حاليا عنده محل مفروشات فخم بداريا


هشام

[عثمان الغدير]

ألا ليت الشباب يعود يوما
لله درك أخي د.أبو هشام
أعدتنا إلى أيام الطفولة البريئة التي كانت أيام جميلة رغم افتقارها لكثير من النواحي الترفيهية الموجودة عندنا اليوم

[وائل]

ذكريااااااااااااات ....
أيام الطفولة .......
إيام سعيدة..
لحظات بعيدة..
ع القلب قريبة..

[الطير المهاجر]

ايييييييه ولولو يلعق الحليب من الصحن او الطبشي
والا دجاجة ام حمدان
كل الشكر الك د0 هشام