ابو ذيات

[ابو عمر]

و حق الـ ألف و الـ لامين و الـ ها
روحي بهوى ساهي العين ولهى
لها ثغر و جبين و عين و الها
خد شبه البدر لو سطع ضيّه

لأجل عينك أصير رماد و انذَر

و لشوفتك ثور أذبح و أنذِر

إذا فد يوم أصير(ن) حَكَم و انذِر
أشيل أحمر طرد مو بيك , بيّه

يا حلو الطبع واصلني و قارب
ما عندي أهل غيرك و اقارب
سفينة بالبحر ردّتك و قارب
تشيل الحمل لو يثقل عليّه

تظل نجمة يا ضي العين بـ سماي
و يظل اسمك رفيق العمر بـ اسماي

ما يروي العطش بجفاك , بس ماي
العطش ترويه من تسأل عليّه

سر حبّك نِبَت بالشريان دوره
عزيز و الك بالشريان دورة
إذا شكّيت ؟ .. هاك القلب دوره
إذا غيرك لقيت بيه إعتب عليّه

عيونه سهام ترمي من يصدها ؟
و عليهـ الروح هامت من يصدها ؟
غزالة بقلبي تسرح , من يصدها
أقطعه اشلاء بـ اثنين ايديّه

بدمع عيني إكتبت لك خاطرة آني
و الك ما يوم كاسر خاطر آني
غير انت تجيني خاطر آني

إجي لك زحف لو صاير شلل بيّه

إذا دهرك يعيب إعليك عب له
و قلبي شقد تترسه هموم , عب له
إذا عنتر إنجن بـ عشق عبلة
هواكم حط جنون و طيش بيّه

إطلع من جفن عيني و ارد بيك
و أشم عطرك من خدودك , ورد بيك
صرت مثل القصيدة انت و ارد بيك
و صرت انت النبض و الروح بيّه

قلم قلبي تِدايَن ورقة منّك
لأن ماكو بصفاتك و ارقى منّك
أسجلك انت الأول و ارقمنّك
و اكتب لافتة "محجوز إليّه"

[ارام]

اخي ابو عمر اشكرك على اختيارك الرائع
اعجبني موضوع الابوذيات
تسلم لابداعاتك فدائما تأتي لنا بما هو رائع
تقبل مروري ..

[سمير حمود الحميد]

زمانك لو زعل وياك خلا
اسكت ولا تبين بيك خلا
مو سهلا الخليل يعوف خلا
بي صعبه الكرامة تموت بيه

اشكرك اخي ابو عمر

[ابو عمر]

أشكرك أخت أرام وهذا من لطفك وذوقك

تسلم أخي الغالي وصديق سمير شو هذا الرد حلو حلو وانت الحلى كل

[أيهم المحمد]

قلم قلبي تِدايَن ورقة منّك
لأن ماكو بصفاتك و ارقى منّك
أسجلك انت الأول و ارقمنّك
و اكتب لافتة "محجوز إليّه"


شو هاذ بو عمر شو هاذ


ذوق و فن و أخلاق و قوّة
بين قوسين
" مو فتوّة "

[سمير حمود الحميد]

حلوه لشامه لبخدك ودكا

وتدك وياي دكه بأثر دكه

بعد مااوصل لدارك ودكا

لئن اساسك رمل ونهدم بيا