انواع البنات في الماسنجر

[خابورية جداً]

انواع البنات في الماسنجر
مقدمة : يتميز الماسنجر بانه برنامج يعرفك على شرائح مختلفة من الناس>>>>اوووو قلبتها نشرة اخبار


واليكم النبأ التالي وهو انواع البنات في الماسنجر:
العاقله!

لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت حدها مستانسة تحط ثلاث ابتسامات.

المصلحجية!!

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح اكمل مذاكره واختي بتقعد مكاني لاتكلمها بليز لووووول.




الرسميـة!!

ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.



الهبلــة!!

هذي كل سوالفها ضحك.. وكل شوي تكتب نكته وتضحك بروحها.. وضحكتها طويله تقريبا ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.




الدفشــة!!

تغيب أيام طويلة مدري وين تروح وترجع فجأة.. وكلماتها مثل.. شخبار امك عساها طيبة؟ يادلخ.. انقلع.. ضف وجهك.. ابي فزعه.. لاتزعل من اوخيتك تراني امزح..
ودايم تطيح الميانة.. وثقافتها ماتعدى المتوسطه.. وتفكيرها في البر والتفحيط والددسن.. وتمووت في اغاني خالد عبدالرحمن..
وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها >> هع هع هع
وتكتب بلون اسود لانها ماتعرف تغير الالوان هع.




البطــــة!!

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها الفراولة او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.




البريئــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك



الشينـــة!!


اسمها الحقيقي نوره او رقيه.. ويعايرونها في البيت ام ضرس او الحولا او البطه او ام جبهة..
وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الهواش والشتايم
واذا عطيتها وجه انواع الصفط والركب
تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو بزره قدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.




المتزوجـة!!

هذي ممكن تكون سبب في كرهك للزواج.. كل سوالفها عن مشاكل الزواج و غثى اعيالها.. وفجأة تقولك برب وتروح تصرخ على عيالها وترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر في وجهك وتطلع من غير لاتقول باي لوووول..
اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم لوووول.. شعارها يازين حياة العزوبيه
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم.. مزاجها متقلب
مرة تضحك ومره تبكي


وسلامتكمـــ

[السلامة ابو زياد]

صراحة كتابتك عن هذي كتابة جريئة؟؟
عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك

مشكورة اخت خابورية جدا

[بشار الدرويش]

هع هع هع هع هع هع هع

قبل لا أقولج برب

أنتي أي وحدة فيهن

هع هع هع هع هع هع هع

[أبوهشام]

صحيح هيك اختي الخابورية ....

تصدقون صرلي أكثر من عشر سنوات ما يمر اسبوع أو حتى يومين بدون انترنت بس المرات اللي عملت فيها شات حتى مع اصدقائي المقربين قليلة وسريعة .... هالشغلة ما فاتت مخي ما ادري ؟؟؟؟؟
يعني اسمه شات شاااااااااااااااااااااات

[خابورية جداً]

ابو زياد...الجرأة بالطرح اساس الابداع>>>>عم اتفلسف ههههه

بشار...له له له معقوووول تسألني انا اي وحدة ؟؟ انا ولا اي وحدة انا وحدة غير كل الوحدات>>>زاد عم اتفلسف هههه بس انتظر قريباً انواع الشباب عالماسنجر وتشوف وقتها اي نوع راح تكون

ابو هشام....اسمه شات واسمه شاتنج وبيه ماسنجر وبيه سكايبي ويبووووووو بلاوي سودة انوب بس شغلتو حلوة والله يعني اش ما سافرت وبعدت تقدر تحكي مع اهلك وتحس انك معاهم بالبيت هذا غير شغلات اخرى تصير عالشات بلا ما اقلك عليها منشان ماتحلف ماتفتحو<<<قطعت قلبك من الشات مو؟؟ هههه

كلكم منوووووووووووووررررررررررييييييييييييننننننننننن

[لورنس الحساوي]

الرسالة حلوة يا خابورية بس مين تقصدين فيها