مستقبل خدمة العملاء في سوريا

[ناصر]

مستقبل خدمة العملاء في سوريا

ذات مرة أراد رجل أن يتصل بمحل بيتزا ليطلب خدمة التوصيل للمنازل فردعليه
موظف استقبال الطلبات ودار الحوار كالتالي :
الموظف : نشكركم على اتصالكم , ببيتزا هَت، تحت أمرك أستاذ
الزبون: فيني أطلب؟
الموظف : ممكن تعطيني رقم الكردت كارد تبعك لو سمحت؟

الزبون: ماشي.... لحظة وحدة .. 6984554610 الموظف :حضرتك الأستاذ خالد و عم تتصل من العنوان شارع الراحلة نانسي عجرم بمنطقة المالكي بالشام ورقم تليفون بيتك 0119632147
الزبون : والله شي ظريف !.. كيف عرفت كل هل المعلومات؟
الموظف: هاد النظام الجديد يللي إعتمدناه عنا بالشركة
الزبون: أيوووااه ...أوكي .. بدي أطلب بيتزا سي فوود من فضلك
الموظف : ما بنصحك أستاذي فكرة غير جيدة
الزبون: أوف ليش؟
الموظف: من بطاقتك الصحية قدامي بيتضح أنو معك ارتفاع في ضغط الدم وارتفاع في معدل الكوليسترول ، الزبون : شو!!!.. ممم.. طيب شو بتنصحنا؟
الموظف: بنصحك ببيتزا المشروم خفيفة الدسم و رح تعجبك جداً
الزبون: وليش بقى واثق إنها رح تعجبني !!!
الموظف : لأنك اشتريت كتاب من معرض الكتاب مؤخراً اسمه: ألذ المأكولات المشروم.. من مكتبة الأسد بالأسبوع الماضي
الزبون : ايوه ايوه.. أوكي .. رح أطلب منها وحدة ..... حجم عائلي،
الموظف: بعتقد إنك لازم تطلب وحدة تانية ... وحدة غير كافية لعائلتكم المكونة من 6 أفراد، فالمجموع بيطلع عليك 700 ليرة ، بس أستاذ عندك مشكلة للأسف الشديد مارح تقدر السداد بالائتمان ولابد أنك تسدد المبلغ نقداً ، لأنك مديون للبنك بمبلغ 37220.55 ليرة من الشهر الماضي فواتير بطاقتك الإتمانية و سكروا عليك حسابها غير القرض الأخير يللي عليك من البنك للشقة الجديدة
الزبون: طيب رح بسحب من الماكينة القريبة من بيتي لبين ما توصل البيتزا
الموظف: كمان بعتذر من حضرتك إستاذ ...ما رح تقدر ..لأنه وفقاً للبيانات قدامي فإنك اليوم سحبت الحد الأقصى المسموح فيه من رصيدك كاش ..و ما حتقدر تسحب اليوم أي مبلغ نقداً من ماكينة الصراف
الزبون: ايييييه أي والله، أخي بعات الولد وانا رح بعطيه كاش وأديش بتاخدو وقت مشان نعرف
الموظف: حوالي 45 دقيقة أستاذ ، بس إذا ما بتحب تنتظر كل هالوقت ممكن تتفضل حضرتك بسيارتك الكيا البيضا الجديدة
الزبون: شووو؟؟؟؟؟
الموظف : وفقاً للبيانات الموجودة قدامي فإنك اشتريت سيارة كيا جيب بيضا ، رقم اللوحة : دمشق 123456
الزبون : انت موظف سا.. و وقـ.. و رح أشتكي عليك يا.. الـ
الموظف: عفواً أستاذ ...انتبه لكلامك منيح ....لا تنسى أنو عندك قضية بسبب أنك شتمت ضابط مرور بألفاظ نابية بتاريخ 15 آب الماضي متل مو واضح قدامي من بيانات حضرتك
الزبون: ............لعما؟
الموظف: بتحب أخدمك بشي تاني أستاذ ؟
الزبون: لا لا سلامتك ولاشي بس البيتزا بالمشروم بالحجم العائلي مع البيبسي كولا المجانية يللي مع كل وجبة بيتزا ...، لعمه .. خدمة زبائن أما فرع مخابرات؟؟....
الموظف : الحق معك .. بعتذر ما بقدر أبعت لحضرتك البيبسي المجانية ...نحن عادة منقدمها للزبائن يللي ما بعانوا من مرض السكر ... ولكن متل مو واضح قدامي بيانات حضرتك بتظهر إنك مريض بالسكر

الزبون: أخي ألغي هالطلب كلووووووو ... ما عاد بدنا نتزهرم ضراب السخن ... قومي يامرة انقبري واطبخي .

*******

[المستشار]

وما ذلك على الله بعزيز
المهم أن يحلم الإنسان , لأن كل الإنجازات تبدأ بالأحلام و ثم تتحقق .
ولكن المشكلة عندما لا يكون لدى الإنسان أي طموح ففي تلك الحالة لا يتقدم بل يتراجع .

[أحمد العساف]

توقعوا كلشي

[مجد]

أهم شي لا يحطون اللي يرد على التلفون من الدير
شكون ياخي
ول بألله راح يبهدلون الزباين
اشتري ولا انقلــــ ؟ من هون

[عبدالكريم]

صحيح
الزبون دائماً على حق
هذه مقولة صاحب الحلال دائماً

[الياقوتة]

[frame="1 60"][align=center][tabletext="width:70%;"][cell="filter:;"][align=center]والله ممكن تصير لأن كل شيء بداية حلم
مثل ماصار بالمبايل كان حلم لرجال الأعمال
واليوم صار للكبير والزغير والمقمط بالسرير مثل مايقولون
وحتى(( الراعي والمرأة بالحصيدة ))
وعلى فكرة حسيت أنة هما أكثر الناس بحاجة للمبايل[/align][/cell][/tabletext][/align][/frame]