: ابنشدك عن نور القمر وشلون نوره ‎(والله ان الحب عذاب)‎

[مجد]

قصة رائعة وقديمة
قصة حقيقة حصلت في قرية قريبة من مدينة الرياض في السعوديه قبل ان تسمى الرياض. كان هناك شاب اسمه عايش يعيش في هذه القرية وكان يحب بنت اسمها نوره.

في يوم من الايام ذهب عايش لكي يخطب نوره ولكن ابو نوره رفض لأن عايش كان على قد حاله وما عنده حلال ولا عنده فلوس كثيره, " المميزات التي يلهث وراءها الناس"

فشاف عايش نوره بعد ما طلع من عند ابوها وقالها :نوره انا راح يصير عندي فلوس وراح اشتغل وراح ارجع اخطبك واتزوجك, ونوره كانت تحب عايش فوافقت انها تنتظره.

سافر عايش الى منطقه مرموقة في السعودية وصار يشتغل في التجارة ومرت الايام وصار عنده فلوس ورجع لقريته عشان يطلب يد نوره من جديد ويتزوجها

لكن لما رجع القريه تفاجى ان نوره تزوجت لان ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج. وتفاجى ايضا انها مو بس تزوجت بل هاجرت الى مكان ثاني مع زوجها ولا احد من القرية يعرف المكان.

فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره.

ومر على القرية الاولى وراح وسلم على امير القرية وقاله انا عندي لغز واللي يجاوب عليه بعطيه كل حلالي فقاله الامير وشو اللغز قال(ابنشدك عن نور القمر وشلون نوره؟)
احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز.

فسافر الى قرية ثانية وطرح عليهم نفس اللغز ومحد عرف الجواب

راح للقرية الثالثة وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح

ومن بين الحضور كان زوج نوره موجود فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه مالي وحلالي كله, فقالت له: قولي وشو اللغز يمكن احله قالها (ابنشدك عن نور القمر وشلون نوره؟)

فبتسمت نوره وقالت له :عرفت الجواب قال لها :صدق؟ قالت له :قوله(مثل السمك في البحر وشلون عايش؟) فقام الصبح رجل نوره وراح وقاله: انا عرفت الجواب فقاله :وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره

سلملي على نورة