الريل وحمد
مرّينه بيكم حمد
واحنه ابقطار الليل
واسمعنه , دك اكهوه
وشمينة ريحة هيل
يا ريل…………… صيح ابقهر ................ صيحة عشك , يا ريل
هودر هواهم.......ولك....... حدر السنابل كطه
يا بو محابس شذر , يلشاد خزامات ......... يا ريل بللّه .. ابتغنج
من تجزي بام شامات ............... ولا تمشي .. مشية هجر ........... كلبيبعد ما مات
هودر هواهم.......ولك....... حدر السنابل كطه
يا ريل
طلعوا دغش...
والعشق جذابي
دك بيّه كل العمر...
ما بطفه عطابي
تتوالف ويه الدرب
وترابك ..
ترابي
هودر هواهم.......ولك....... حدر السنابل كطه