يا مال قلب تختلف فيـه الاشـوار
الله كريـم وطيـب فيـه ظـنـي ..
وين العرب راحوا طريين الاشوار
اربهـم مـا كفـو الرجـل عنـي ..
يا من يعلمني من البـدو باخبـار
يخبرهم ان قلبـي عليهـم يونـي ..
مثل الخلوج اللي ولدها له اضوار
تسهر تدور له وهـو مـا يحنـي ..
من دون ربعي للونيتات مشـوار
ليـل ونهـار والمكايـن تـرنـي ..
وقلبي يمنيني مع البـدو مصفـار
في مرتع ما هـو يجـي بالتمنـي ..
مرية يرعـون حسكـات الابـوار
فـي كـل قفـر ترتعـه بالتهنـي ..
يا زين شدتهم على ذكر الامطـار
غيث به القلب الشقـي يرجهنـي ..
من غاب حطوا له على الدار توثار
ما يحترونه وان بغـى مـا يثنـي ..
ما همهم لو كان يمسي على الدار
يصبح لاثرهم والسفـر مستظنـي ..
شدوا مع طلعاتهـا كـل مشكـار
يبرى لها اللي ما قعـوده يونـي ..
يا زين شدتهم علـى ذكـر نـوار
ما قبلهـم كـون القبيسـه تغنـي ..
يا حلو منزلهـم عذبـات الاقفـار
او لا اقبلوا واولا سلفهـم يبنـي ..
كل يبغي يسبق على شبـة النـار
سبق عليها مـن الاجاويـد فنـي ..
تمايلوا صوبه هل المجـد والكـار
نجره لعطـران الشـوارب يدنـي ..
توخروا اللي عاد حيرانـه صغـار
وحيل العشايـر والبكـار اقبلني