[براء الأحمد]

مرت علي وهاجس الحب إنطلق = حبي القديم اللي إندثر من عدة أيام
قالت صبا ح الخير ولساني علق = ودي أرد التحية ... وأرد السلام
ردتني عزة النفس وحظي الفلق = صوان هذا الزمن وقرم الأزلام
رديت ..بصوت خافت ما أحد اشتلق = قالت ثقيل والكبر عشعش وهام
قلت الثقل صيدي بس صيدي ما انطلق = صيدي تذوقين من مر العشق والهيام
كانت بعيني ريم في وسط الطلق = تلها بها الصبا وتبري الأورام
رجعت لذيك البراري ريم عيني عند الشفق = قبل غروب شمسي وقبل لا يهدي حمام
سكرت ليها العين عن الدوشة والقلق = وقررت أترك دنيتي واسكن عالم الأحلام
بس خوفي الحلم يقلب علي كابوس ومن بعده علق = واتمنى القعدة عقب ما تمنيت المنام
وأسمع ونين القلب ودقاته تدق = وأسمع من الناس سواليف وكلام
معقوله ترجع يا زمن أيام وسهرات العشق = ومعقوله أسمع منها كل يوم لو كلمة سلام
معقوله حبي ماعرفته ولا انبثق = الا بعد ما هاجرت طيور الغرام
طارت وزاد الحب عندي واعتمق = وما اظنها ترجع تهدي ولو بعد عام
اخلصت لها بالحب لين قلبي احترق = ويبست عروق دمي وطاح اللجام
وشاشت الأفكار عندي وحبي انشرق = وانهدم ساسي وارتمت علي كل الالام
أرجوك يادهري لا تزيد الأرق = كافي مواجع .... إكتفي والله حرام
سويتني مخزن جروح وكل جرح فيني يلق = ومعروف جرح الزمن ما يبرا ولا يلام
اليوم صار جرحي عميق ومن كبر عمقه انفتق = تعدا مساله الجرح ..تفتت وأصبح لمام
هذه رواية مخلصن سهد الليالي واختنق = ما عاد قلبه يحتمل طول الجفا والإنهزام
دكتور صار بخبرته يوصف علاج ويرتزق = الله أكبر يازمن صفعاتك أقوى من الحسام
تعطي الحلاوة لللئيم وتقوله إلحس وإعتلق = بس الشريف تعرقله وتخلي كل دربه غمام
وين العداله أسألك ما تقول العدل عندك سبق = ما شفت في عمري أنا إلا الحسافة والملام
احط لومي على ناس بريئه ما تلتفق = أحاول أبرز حجتي لأجل المكانة والمقام
بس المكانة ما تدوم الأ لناس مثل السلق = هذه حكمة ربنا يبلى محبه من الأنام