منذ /10-27-2010
|
#1
|
التميز الذهبي
|
بالدير كل شي حلو
بالدير كل شي حلو حتى ظلام الليل
وحتى الحزن يم هلي قهوة وتفوح بهيل
ـــــــــــــــــــــ
والصبح بس بالدير يضحك يجي فرحان
وتنور يسجر سجر ومسمسمة الرغفان
والعصر محلا العصر وي لمة الجيران
وحدة ترش الدرب وتكنس الرصـفـــان
وحدة تمد البسط وتعدل الحصران
كل ساعة جارة تجي تطوطح بجيدان
ــــــــــــــــــــــــ
يا لودعتنا ورحت لو تمشي عرض وطول
ما تلقى مثل الجسر ولا سبحة السنسول
والشاي أكرك عجم بعصمان والجندول
ــــــــــــــــــــــــ
يا لودعتنا ورحت هم صارلك مدة
شلون نومك عجب وتعاشر مخدة
لو صاب راسك وجع بأي ملفع تشده
ــــــــــــــــــــ
يا لودعتنا بعجل ماظني تتهنى
قوم ارجع لديرتك حضن أمك الجنة
وخيتك ترى عالباب من سنين تستنى
ـــــــــــــــــــ
بالدير كل شي حلو حتى ظلام الليل
وحتى الحزن يم هلي قهوة وتفوح بهيل
| التوقيع - ابو عمر |
|
|
|
|
|
|