[جنى الدخيل]

[align=center][tabletext="width:70%;"][cell="filter:;"][align=center]تعاتبني

من أكثر الأبيات التي أثرت في هذه القصيدة التي كتبها ابن العم سامي الدخيل بعد رحيل والدته رحمها الله


تعاتبني

تعاتبني 000 أوفلا تعتب على غيري

ولا تمر بنواظرنا سحابة شوك

إو ضحكات

إو هلاهل بينا تتلحن

ولا تمطر

ولا ترسم على دربي خطواتك

ولا تزرع على جناب المسه وجهك

ولا تلني لدفو صدرك



تلني

تلني

تلني من جروح روحي

آنه روحي تغر كنت ويه دمعك

وتناطر الشباج بيه

كافي تنطر عذبتني

"إو سولفت لأهلك عليا

آنه استاهل حجيهم

بس تعال وضمني لحظة

بس تعال وشبج الدنيا بديه

بس تعال وزرني بنهودك

أحبك

تلني وي الريح أجيلك

مدري دمعة

مدري مطره

مدري مدري

وأنسى حالي وي حضرتك

وأعثر ابنبضات كلبك

واستحي من حالي واكعد

مدري شفتك وعلكت المرايا بيه

مدري أنه هزني صحوك

وعضني عطرك

أو بمشط شعرك نمت ليل وحلم

نوبات احبك

جمرات احبك

لوعات أحبك

للموت أحبك

توكف إبسباح كلبي

وتتجي وغصات بيه

وذبلت النجمة بشجرتي

وصرخت آنه صرخت

خذني هلهولة عرس وحني بيه جف اديك

جاكر النسوان بيه

واشمر بروحي ضحكتك

اشمر بجفي دمعتك

خلني المك

واسكن بروحك مواني

موج وشاطي

وليله كمرة

وألظم النجمات طوك ومن شمسنا ثوب البسك

بس تعال

بس تعال الدنيا جدبه

ولا مطر لاجلي نزل

ولا بيابير افتحتلي وآنه أدك

وآنه أدك

وآنه أدك كل باب

يشبه ابوبك امس

توكف اباب الفرح

وكل بيابيني دمع

والبشر ذابو شمع

والدنيا ما مطرت عليا

والشتا بيا صلف

منك اوف ويا دمعتي

حفرت خدودي مسالك

وانته ما ترضى تجيني

وظنك الذكرى تكفي

وظنك الصورة تعوضني برسم وجهك

وظني ظنك حيرتني ولا حرت

ولك آخ وأوف ويا وسافة كافي يسمر

من بعيد آنه أحبك

مني منك

تمشي روحك وامشي سدك

وآخر الصرخات بيه وآنه أحبك

آنه أحبك [/align][/cell][/tabletext][/align]