ههههههههههههههههههه
ملعوبة,,,وغسل ايديه بعدين ولا لا؟؟؟؟؟؟؟
ذكرتني بقصة كمان::::::>
في وحدة حبت واحد بس أهلها ما وافقو يتجوزو
قام هربت البنت واتجوزت الشب
بعد حوالي سنتين كانو بالشارع وإذ مين يشوفون أخو البنت أجى عليهم وعمل حالو أنو خلص رضيان عليها ويلي صار صار
وراح معاهم ع البيت أتغدا ونام عندهم والصبح راح هو والشب ع أساس راح كل واحد على شغلو
بالعادة الشب يرجع ع البيت بحدود الثمانية
صارت تسعة ما أجى صارت 10 و11 و12 وما أجى
البنت خافت بس مو قدرانة تعمل شي وضلت تستنى
والساعة وحدة اندق الباب راحت تا تفتح بس دحقت من العين ما شافت جوزها شافت رجال كبير بالعمر وما فتحتلو وضل يدق يدق وبعدين راح
وثاني يوم باليل حوالي الساعة 12 اندق الباب راحت تا تفتح وإذ بجثة جوزها قدام الباب قام فوتتها وغبتها بالخزانة
وبالوحدة اجى نفس الزلمة ضل يدق الباب وآخر شي راح
قام البنت قالت لحالها خلص بكرا بدي افتح ويلي بدو يصير يصير
وتاني يوم أجى الزلمة وما كذبت خبر البنت وفتحتلو
قال الزلمة: وين جثة جوزك
قالت :أي جثة جوزي مو ميت
قال الزلمة: لا تنكرين جوزك ميت وقتلو أخوكي وين الجثة
ضلت البنت تنكر والزلمة يصر على أنو يشوف الجثة ولما البنت ولقت مهرب جابتلو الجثة
قالت : هاي الجثة شو بدك فيها
قاللها: شايفة يا بنتي هاذ الدم
قالتلو : أي
قاللها: هاد الدم ما يروح إلا ب سوبر توبر
سمعتها من عمي مروان يا وائل شو رأيك؟؟؟
تحياتي :M.Kh