تخيّل إييه يا طويل العمر ( ودنا نسوي قهوة ) تفضّلوا يالربع ( خاص وحصري لمنتدى أهلي البوخابور)

[رضا]

إقراه بلهجة البدو " وعيش الحالة "


تخيّل وإنّك قاعد بنزل وحدك إنت وأهلك، وما حواليكم إلاّ رميلة وكم ناقة وخاروف
وإمست عليك ،و جاك الكيف على فنجال قهوة، وقمت دوّرت ولقيت حبّ البن وشويّة هيل حايل من العام
وجت الحرمة تقول من غير كيف ( علامك يا رجل ،أوووه خذ وسوّي قهوتك وحدك )

وإنت هين ما عليك إلا السمع والطاع
هو حكي الحريم يتثنّى !!!!


وبعد هالسواليف ودنا إفعال


تفكّر تفكّر وش ودّي وكيييف

وعند أخوك رضا تلقى الجواب



1

http://www.mekshat.com/pix/upload02/images78/mk49539_1.jpg

فزعلنا أخوكم عاشق السيل بالعدّة
وجابلنا
المحماس ، ومبرد القهوة ، الملقمة ، النجر

وما عليك إنت إلا تقلّط القهوة ، والهيل الحايل



2

http://farm3.static.flickr.com/2268/2241295310_4770bdc635.jpg?v=0


تخلي حدا هالعجايين يشعلك النار و يخلي جمارها تهف بلاهوب من كل صوب




3

http://www.abuhish.net/vb/uploaded/660_41252872503.jpg

تحط حبابي القهوة بالمحماس ألا يتغير لونها بعون الله من الخضار ألا تصي بلون الذهب الأصفر



4

http://pviu4a.blu.livefilestore.com/y1p7maduMVZmtOnrqa786F7aJL7Uy9V6i7fz2riVTKKs85GJzP-8tqwnccYJLWUzEbGO-mMFKOvEdRu671OYaxDyPVkU0LTnAa1/03.jpg

تحطّ حبابي القهوة بالنجر وتظلّ تهبش تهبش تهبش
وتدير بالك ليكون هبشك مو بالحيل وتصير كلّ حبّة بديرة
ولا تلق منها تراهي علقم يا طويل العمر



5



http://www.mekshat.com/pix/upload02/images78/mk49539_5.jpg


وبعدها تحط المي الزلال وفوقه القهوة المهبوشة بالملقمة
وتخلّي النار حولها تشبّ
وقبلن تستوي تحطلها الهيل يرحم أبوك



6

http://farm3.static.flickr.com/2034/2326686081_5aba6090ee.jpg

تكون دلالك والفة لهلك وربعك ولخلانك والضيف


7
http://forum.mn66.com/imgcache/2/10213alsh3er.jpg

ولا تنسى الفنجان النظيف اللي يزهزي
وما يكون بارد ولا مشظوف
ودق الفنجان بالفرح
وسكته بالترح


ولا تنسى القهوكي سويلم

ودام الفرح بديرتكم




رضا

حصري لمنتدى البوخابور

[رضا]

يقول الشاعر سليمان بن شريم من بني زيد






لا دّك في قلبي من الهم هوجـاس .....حطيت فوق النار زين المحاميـس
وحمست ما يجلى من الهم وعماس......بنٍّ من النيبار يجلى الحواسيـس
لاذاقه اللي من عنا الوقت محتاس......من لذته تنجال عنـه النواحيـس







ويقول الأمير الشاعر محمد الاحمد السديري




يا عمير شب النار والسمر صفه.....يوم النعايـم بـارزات تكاشـف
واحمس من البن اليماني وصفه.....هذا هواي وكل نفسٍ لهـا شـف
والبن زد به هيل والهيـل وفـه.......وخلك حذر بالعين يا عمير والكف








ويقول عبدالله بن محمد الصبي




قم شب نار الوجار وكيّف اشغاله ......ثم اكبر النار واحمس فوق صاليها
بن يطير عماس الـراس فنجالـه.......ويداوي الكبد عن حرٍّ لجـا فيهـا
كنه ليا فاح عود الطيب يبرى لـه......عنبر سويقه ليا شالوا معاطيهـا








ويقول الشيخ الشاعر تركي بن صنهات العتيبي




قم كيّف الطبخة ترا بان لي شان......مشتان في شانٍ وشانٍ عنانـي
برّيّه من سوق صنعا ونجـران..........يعبالهـا بالهيـل والزعفرانـي
اخسر لها لو كان تغلى بالاثمان.......... لاهابها خطو الصبـيّ الهدانـي








ويقول الشيخ الشاعر عبدالرحمن بن سعود آل سليمان

قم يانديبي عمّر النار لـي سـو.........قم سو فنجال ترا الراس خاوي
وانهض حجاجك للنشاما لياجو.......واحمس ثلاث ولا تشاور دناوي
بمحماسةٍ شبرٍ لهم يوم قاسـو.........وموسع صدره عليها الحساوي








ويقول الشاعر ابراهيم بن دحيم الرديعان




ياما حلى مع طلعة الشمس فنجال.......ليا صار صبابه هو اللي مسويـه
ما جيب من عند الخدم شغل عمال.......ولا بات بالترمس وختمت غطاويه
شربك من البن الحمر مثل ما قال........يداوي عماس الراس والهم يغديه






ويقول الشاعر محمد بن مشعى الدوسري




قم سو فنجـالٍ نظيـف مقنّـد..........في دلةٍ يطرد خوى اللي شربها
فنجالٍ أشقر زعفرانـه مجمّـد.........برّيّةٍ شريت من اللـي جلبهـا
gl
gl

[منى]

فكره جميله وموضوع رائع شكرا

أخي رضا

نتمنى لو تشكلون ثنائيا أنت والبدوي وطرح مواضيع

ملئيه بالأصاله العربيه

القهوه هي عنوان الضيافه والترحيب بالضيوف

[دربآسي]

يا عيد شب النار يا عيد شبه = وقلط دلالٍ مكرماتٍ عذابـي
ودق البهار وثم للربع صبه = يصبغ على الفنجال مثل الخضابـي
أقصر بماها ثم زوّد بحبه = حتى تزين بلونها والشرابـي
ودرها على المجلس بنفسٍ محبه = فنجالهن يجلى عن القلب عابـي






اخوي رضآ ..

بصراحه مواضيعك شيقه وممتعة .. ولها نكه خاصـــه ولها طابع بدوي رائع ..



جهد تشكر عليه ..


لكَ الود كلـهـ..]

[سمير حمود الحميد]

موضوع رائع و جميل مشكور اخي رضا على ابيات الشعر والصور الجميلة ,

[أبوهشام]

راااااااائع جميل... ما اجمل القهوة بالفلا ...جربها ما تندم...

[ابواسامة]

ما شاء الله رائحة الهيل تفوح في المنتدى


موضوع مفيد مشكور أخ رضا




قال رسول الله صلى الله عليه وسلم

تلاث لاترد -الطيب -والوساد -والشراب


الشرا ب ومنه القهوة

[رضا]

شكراً لجميع الأخوة الذيم مرّوا مشاهدين وغير مشاهدين من موضوعي

متمنياً بحقّ أن يكون قد نال رضاكم


رضا

[عبدالكريم]

مشكور يلخو يارضا
بارك الله بك
تقبل تحياتي ومروري
كريـــــم

[رضا]

حيّا ألله النشامى والله

[مناوي]

الله كلام جميل وصور اجمل.... الله على البر وطلعاته عاد جونا الحين تووووووووووحفه ويساعد على شبه النار الخميس بنطلع ان شاء الله للبر على خروف ترى كلكم معزومين :shiny01:والتذاكر على حسابي بس عاد الرجعه عليكم ههههههه

مشكوووور اخوي .

[رضا]

بارك الله بيك يا منـــــاوي
البريا مابو أخير منها، وشلون عاد هالذبيحة وهي عالنار تقلّب
:clap::clap:

وبالنسبة للردّة فلا يهمّك ، ندبّر حالنا لو بأثر السيارات

:sadwalk::sadwalk::sadwalk:

[بدوي]

الكيف قبل اليـوم حنـا شربنـاه
جدٍ على جـدٍ شربنـا الحشايـش
ياما شعمنـا النـار للـي تنصـاه
يغدي عماس اللي على الكيف دايش
إنجورنا بالليل تسري علـى غنـاه
صهيـل شقـرٍ ركـزٍ العرايـش
فنجالنا يشدا خضـاب الخونـداه
ما قيل نـي ولالـه الجمـر نايـش
ردينا اللي تدفـق السمـن يمنـاه
لا صار تالي الزاد غـادي نوايـش
ابيوتنـا بالخـوف دايـم مبـنـاه
نرذ المعـادي يـوم دور الغبايـش
الـى تبيـن درب كـود ضربنـاه
الى انهضم راع الضلوع الهشايـش
كم هجمةٍ نجعـل عليهـا منـاداه
صملانها عقـب التملـي نشايـش
خيالنـا يبـرز نـهـار المـلاقـاه
يروي حدود مصقـلاتٍ عطايـش
نصبر على زلـت رفيـق دمحنـاه
صبر الجمال اللي تشيـل البلايـش
الى من راعي البوق أظهـر مخفـاه
على الرمك نقعد صغا كل طايـش

[بدوي]

جر الفراش النا وهات الدلالي
أربع مغاتير على النـار تدنـا
ترى حلاة النار دوم إشتعالـي
وسوقة فناجيل عليهم من أدنا
فنجال أشقر مثل دم الغزالـي
ليا نقص شيء من الكيف زدنا
أتعب لها بالسوم لو كان غالي
لو كان زود بالثمن ما نشدنـا
نشري لها المثلوث هو شف بالي
لو كان سوقه نازح عن بلدنـا
ياما دفعنا بالثمن مـن ريالـي
غير القرا نسهر لهم ما رقدنـا
وله أيضا في القهوة:
قم يا رويشد شب ضو المناره
ثم هات من صوته يقود المسايير
نجرٍ ليا حـرك تزايـد عبـاره
يا زين صوته بين عوج الدواوير
يا مسوي الفنجال كثر بهـاره
جلفٍ ويتلنـه ثمـانٍ مغاتيـر
حاذور يالصباب تثني مـداره
ألا على اللي ينطحون المخاسير
أحد ليا سيّر عرفنـا وقـاره
واحد ليا سيّر يدور التفاكيـر
كم واحدٍ ناشي بليا خسـاره
مصبرٍ نفسه على البخل تصبير
هو يحسب إنّا ما نعرف الصقاره
يعد عمره من حساب المناعيـر
يا حبنا والله لجمـع التجـاره
لولا الحياء حنا نعرف المعاذيـر

[بدوي]

دنيت لي من غالـي البـن مـا لاق
بالكف ناقيها عن العـذف منسـوق
إحمس ثلاث ٍ يا نديمي علـى سـاق
ريحه على جمر الغضى يفضح السـوق
واياك والنيـة وبالـك والاحـراق
واصحا تصير بحمسة البـن مطفـوق
ليا اصفرّ لونه ثم بشـت بالاعـراق
صفرا كما الياقوت يطرب لها المـوق
وعطّت بريح ٍ فاخر ٍ فاضـح ٍ فـاق
ريحه كما العنبر بالانفـاس منشـوق
دقه بنجر ٍ يسمعـه كـل مشتـاق
راعي الهوى يطرب الى دق بخفـوق
لقّـم بدلّـة مولـع ٍ كنهـا سـاق
منصوبـة ٍ مربوبـة ٍ تقـل غرنـوق
خله يفوح وراعي الكيـف يشتـاق
ليا طفح له جوهر ٍ صـح لـه ذوق
أصفر قموره كالزمـرد بالاشعـاق
وكبارها الطافح مـا صافـي المـوق
زلّه على وضحا بهـا خمسـة رنـاق
هيل ٍ ومسمار ٍ بالاسباب مسحـوق
مع زعفران ٍ والشمطري ليا انسـاق
والعنبر الغالي على الطـاق مطبـوق
فيلا اجتمـع هـذا وهـذا بتيفـاق
صبّه كفيت العوق عن كل مخلـوق
بفنجال صين ٍ زاهي ٍ عند الارمـاق
يغضي بكرسيّه كما اغضاي غرنـوق
إليا انطلق من ثعبتـه تقـل شبـراق
رنق ٍ تصوّر للحمامة علـى الطـوق
شكّل على الفنجال لونـه إلـى راق
دم الغزال ليا انمـزع منـه معلـوق
خمر ٍ إلى منـه تسلسـل بالاريـاق
وعليه من ما صافي الـورد مذلـوق
راعيه كنه شـارب ٍ ريـق تريـاق
كاس الطرب وسرور من ذاق له ذوق

[نـوران]

ماشاء الله موضوعك جدا رائع وخاصة الصور
والله شوقتنى للبر

[زهرة قاسيون]

يعاد للواجهة...