المساعد الشخصي الرقمي

مشاهدة النسخة كاملة : اقرأ...... وفكر فيها ..... رح تشوف شي بضحك بس بنفس لوقت شي بوجع لقلب


عبدالسلام السمير
03-14-2010, 04:39 PM
بــــديـــهـــيـــات ســـــــــــــوريّة
بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟

لا عم بتفرج على برنامج ارضنا الخضراء .....
((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .

هي خالصين منها ...
------------------------------------

بتطلع بميكرو(سرفيس) وبتحط هيك وبتطلع ( خمسة ليرات) وبتعطيها للي ئدامك، وبكل برودة بيئلك: واحد ؟

لأ 60 !!!!!!!!!!!!!!!!!؟ ورجعلي الباقي كمان (يعني الخمس ليرات بتركب كم واحد ؟؟)

------------------------------------

بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟
لا والله بس كنت عم جرب صوتي شو رايك انت ؟؟.
------------------------------------

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
لا والله بالعادة بفكر العب دء طميمة وماروح لعندهم
------------------------------------
نفس المذيعة بتشوف ولد بالشارع وبتساله؟ حبيبي بتحب البابا والماما؟
لا مابحبهم ابداً , انا بحب البوسنة والهرسك .

ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟

يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
------------------------------------
اشتريت لبس جديد على العيد حبيبي؟؟؟
يعني شوبتتوقع يقولها؟؟

لأ...ما اشتريت لبس جديد.... هادول سرقة من على حبل الغسيل تبع الجيران ولا بتتوقع يقولها
أخدت لبس أخي الكبير تبع السنة الماضية ولبستو...؟؟

طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟
------------------------------------

شو بتشتري بالعيد...شوكولاته وأكلات طيبة؟؟

لا والله....على العيد بشتري 10 غرام حشيش...وبنقعد نصطهج فيون أنا ورفقاتي...... وبعدين بنأرجل...... وبناخدلنا كاسين

يعني الولد الصغير شو بيحب يشتري وياكل؟؟ مجدرة ولا عدس بحامض؟؟
------------------------------------

شو بتعمل بالعيد احكيلنا حبيبي....بتلعب بالمراجيح؟؟

لأ أبدا...ما بقرب صوب المراجيح.....بالعيد بروح بلعب مصارعة رومانية...وشوية تايكواندو....
------------------------------------

بتلعب مع أصحابك بالعيد؟؟
أعوذ بالله... شو مع أصحابي..... أبدا... بنزل بلعب مع شوفيرية التكاسي والزعران...
------------------------------------

مع مين بتحب تروح بالعيد؟؟ مع ماما ولا بابا؟؟

لا والله ؛مابحب روح معهن التنين أسئل من بعض . يعيني عادة مع مين بيروح الصبي ؟ مو مع أبو وآمو ؟؟
------------------------------------

احكيلنا ...وين بتروحو بالعيد إنت ورفقاتك... حبيبي....؟

ما بدها سؤال...على الكباريه... لترين عرق.... 4 رقاصات ......2 على اليمين و2 على اليسار....

طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتو
....وما عم يحكي شي....؟؟؟
هالمذيعة الحنونة هاي..... ما عم يطلع من خاطرها تترك الولد بحالو؟؟
لك اتركيه بحالو و بعدين ..؟؟
------------------------------------

حاطت راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة

------------------------------------

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
لأ شو احكي اعوذ بالله !!! كنت عم عد الأرقام يلي فيه !شوبدي اعمل يعني ؟؟

------------------------------------

لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش
------------------------------------

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في عجئة كتير بالمهاجرين
------------------------------------

مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
لأ !! عم ارقص... بس الوضع بيوحي إني نايم

نسمة الياسمين
03-14-2010, 04:44 PM
ههههههههههههههههههه

والله نهفااااات عن جد

بس المشكله هذا الواقع مع الاسف الشديد مع العلم ان سوريه تعتبر ام الحضاره بين الدول العربيه

وربت اجيال واجياااال ناجحه

ياليت ترتقي شوي وشعبها هو اللي يرقيها الى الاعلى بدل هذه الاشياء المتداوله بينهم

يسلمو عبد السلام موضوع شيق
تحياتي..

عبدالسلام السمير
03-14-2010, 05:10 PM
الله يسلمك اختي \ نسمة الياسمين \

ههههههههههههه هاي النهفات مو شي يلي قام تصير معاي على ارض الواقع

وشكرا لمرورك ...........................

أحمد العساف
03-14-2010, 05:20 PM
حلوة يا عبد السلام

أيهم المحمد
03-14-2010, 05:20 PM
والله يا عبد السلام يا أخي وضعت إصبعك " ويمكن إيدك " على الجرح الأكثر نزفاً في هذا الوطن الحبيب والغالي سوريا .
الإعلام لدينا مدين للغة العربية بأن حفظت ماء وجه الإعلام السوري والتي لولاها ، ولو لا تمسكنا بها لقيل فينا " الباي باي مع السلامة " منذ زمان .
فاللغة العربية ذريعة الإعلام السوري في المحافظة على رتابته المريضة والمملة ، ولحدّ الآن أجد فيه ضعفاً شديداً في مواكبة التطور المتسارع على مستوى الناشئة الجديدة .
ونحن رغم فخرنا أن شعبنا يتمتع
بالفتوة وأن غالبية شعبنا هو من الفئة الشابة المحصورة بين عام 15 وعام 35 ، إلا أنـّنا لا نشاهد في 90 % من برامجه إلا ما يناسب الأعمار بين 5-14 وأعوام بين 36 -65 ، فأين هي مواكبة العصر والمجتمع في ذاك نسأل ونتعجّب ونستغرب :confused::eek::( ؟!!
على كلّ حال لو تجلس مذيعاتنا في العيد مع أولادهن وأقاربهن ، ويصور المصورون تلك الجلسات لكان خيراً لهن وخيراً لنا ..