واحد شامي شاف شاعر المليون ..فقلدهم

[عبد الرحمن العمري]

بحبك حب الشباك للبرداية ، بحبك حب الأرنبيط للكوساية ...!


بحبك حب الشلمونة للكولاية .. بحبك حب الطشت للكبجاية ..!


بحبك حب الزيت النباتي للمئلاية .. بحبك حب الجرابات للصرماية ..!


لك بحبك حب سلاحف النينجا للبيتزاية ...!!!


يا ريت تكوني شخبرة .. وكون أنا المحاية ...


يا ريت تكوني بريات .. وكون أنا البراية ...


يا ريت ما تحطيلي زء .. لما كون أنا جاية ...!


بحب ضحكتك يللي متل صوت المعزاية ....بحبك حب الدؤونية لللهاية ...


بحبك حب المألمة للشنتاية ....


يا ريت تكوني عوجا وكون أنا العرباية ..


يا ريت تكوني طربيزة… وكون أنا كنباية ....


يا مدلوئة حياتي وشعيبيات عمري ووربات بئشطة روحي ...


يا أحلى زبدية محلاية ...


بحبك حب الريموت للتلفزيون... بحبك حب درفة الباب للمندلون ..


بحبك حب بنت اختي الفصعونة لسبيس تون ...


بحبك حب أبو السوم للطابة.. بحبك اذا كنتي متنحة أو حبابة ..


بحبك حتى لو كان صوتك متل موتور الدبابة ..



سمعيني شوي لحتى احكيلك الأصة ...



..



لك يا ريت تكون معي هيكة كمشة بزر وأعطيكي نصا


بحبك حب منير الجبان لكلمة صباح الخير ...



بحبك حب جهاد سعد لبرنامج خبرني يا طير ...



لك بتسدئي ؟؟



بحبك حب الزلائط للمعؤوود....بحبك حب ميشو لأبو الفوول ...


بحبك حب السعادين للقرود ...


بحبك اذا كنتي ساكتة أو عم تحاكينا ...


بحبك حب ابن اختي الفصعون لبوظة كارينا...بحبك حب البردآن .. للكرمنتينا ...!